Baıanaýyldyq soǵys ardageri 100-ge keldi

PAVLODAR. KAZINFORM - Baıanaýyldyq soǵys ardageri Qaıyr Hasenov 100 jasqa keldi. Aqsaqal búginde 5 balasynan 13 nemere, 16 shóbere súıip otyr.

Baıanaýyl aýylynda turatyn ekinshi dúnıejúzilik soǵys ardageri Qaıyr Hasenov Qıyr Shyǵystaǵy artıllerııa polkynyń quramynda shaıqasqan. Maıdan jolyn Ýkraınadaǵy 312-shi polktiń quramynda bastaǵan Qaıyr ata Jeńis paradynan keıin Manchjýrııany azat etýge qatysty. Soǵystan keıingi jyldary maıdanger Pavlodar oblysynyń Maksım-Gorkıı (qazirgi Tereńkól) aýdanyndaǵy Oktıabr mektebinde ustazdyq qyzmet etti. 1969 jyly aýdandyq baqylaý komıtetiniń tóraǵasy bolyp taǵaıyndaldy. Birneshe ret aýdandyq atqarý keńesiniń depýtaty bolyp saılandy. 

Batyr aqsaqal tutas ǵasyrdy eńserip, zor qurmet pen maqtanýǵa turarlyq ónegeli ómir jolynan ótti. Soǵystaǵy erlikteri úshin II dárejeli Otan soǵysy ordenimen, marshal Jýkov medalimen, sondaı-aq, «Germanııany jeńgeni úshin», «Japonııany jeńgeni úshin» medaldarymen marapattalǵan.

Aqsaqaldyń urpaqtary Jeńis kúni Qaıyr atanyń 100 jas mereıtoıyn atap ótti. 

- Álemdi qorǵańdar - bul bárine qajet. Onyń qandaı baǵamen kelgenin esterińde saqtańdar, - deıdi qart maıdanger.

Eske sala keteıik, Pavlodarda Qalmuqan Isabaıdyń azap lagerinen salǵan sýretteri saqtalyp tur.