Baıanaýyldaǵy jol apatynda tiri qalǵan 3 jasar bala Ekibastuz aýrýhanasyna jatqyzyldy

PAVLODAR. KAZINFORM — «Qalqaman-Kerneı» avtojolyndaǵy qaıǵyly jol apatynda tiri qalǵan úsh jasar er bala túrli jaraqatpen, jabyq bas-mı jaraqatymen jáne mı shaıqalýy belgilerimen Ekibastuz aýrýhanasyna jetkizildi. 

Bul týraly óńirlik jedel járdem stansasynyń baspasóz qyzmetinen habarlady.

— 103 pýltine jol apaty týraly qońyraý 19 sáýir kúni saǵat 21:13–te kelip tústi. Baıanaýyl tas jolynda, Birlik aýyly mańynda eki jeńil avtokólik soqtyǵysqan. Shaqyrtýǵa Maıqaıyń kentinen jedel járdem brıgadasy jiberildi. Oqıǵa ornynda tórt adamnyń qaza tapqany anyqtaldy. Atap aıtqanda, 1998 jáne 1999 jyly týǵan eki er adam, 23 jastaǵy qyz jáne alty aılyq sábı. 2022 jyly týǵan taǵy bir ul bala kóptegen jaraqatpen, jabyq bas-mı jaraqatymen jáne mı shaıqalý belgilerimen aldymen Maıqaıyń aýyldyq ýchaskelik aýrýhanasyna, keıin Ekibastuz qalalyq aýrýhanasyna jetkizildi, — dep málimdedi jedel járdem stansasynan.

Eske sala keteıik, buǵan deıin Pavlodar oblysynda jol apatynan 4 adam qaza tapqany týraly jazǵanbyz.