Baıanaýyldaǵy órt oqshaýlandy
ASTANA. KAZINFORM – Búgin Pavlodar oblysy Baıanaýyl aýdanyndaǵy Baıanaýyl memlekettik ulttyq tabıǵı parkiniń aýmaǵynda orman tósenishteri men aǵash tamyrlary jandy, dep habarlaıdy QR Tótenshe jaǵdaılar mınıstrliginiń baspasóz qyzmeti.
Habarlama túskennen keıin órt ornyna alǵash bolyp BMTP kúshteri, keıinnen TJM bólimsheleri jetti. Órttiń taralýyna jol bermeý maqsatynda ony sóndirý jumystary dereý uıymdastyryldy. Órtti joıýǵa TJM sý tógetin qurylǵymen jabdyqtalǵan áýe kemesi tartyldy. Áýe kemesiniń ekıpajy jalpy kólemi 27 tonna sýdy quraıtyn 9 ret sý tógýdi oryndady.
TJM órt sóndirýshileriniń, orman sharýashylyǵy qyzmetkerleriniń jáne jergilikti atqarýshy organdar ókilderiniń jedel ári úılesimdi áreketteriniń arqasynda órttiń taralýyna jol berilmedi.
-Qazirgi ýaqytta oqıǵa ornynda kezekshilik jáne baqylaý jumystary júrgizilip jatyr. Aýmaqtaǵy jaǵdaıdy Baıanaýyl memlekettik ulttyq tabıǵı parkiniń qyzmetkerleri baqylaýda ustap otyr,-delingen habarlamada.
Osyǵan deıin Baıanaýyl ulttyq parkinnen órt shyqqany týraly jazdyq.
