Baıanaýylda jer astyna túsip ketken avtobýs: Eki adamnyń denesi tabyldy

Qaza tapqan eki adamnyń denesi tabyldy. Aqparatty kásibı áskerılendirilgen avarııalyq-qutqarý qyzmetiniń respýblıkalyq ortalyq shtaby rastady. Opyrylyp túsken avtobýs áli tabylǵan joq, dep habarlaıdy Kazinform tilshisi.

Qutqarý jumystary jalǵasyp jatyr. 

«TJD qutqarýshylary qaza tapqan eki adamnyń denesin qumnan tapty. Olardy jer betine kóterý jumystary júrgizilýde. Avtobýs tabylǵan joq, ony izdep jatyrmyz» dep túsindirdi kásibı áskerılendirilgen avarııalyq-qutqarý qyzmetiniń respýblıkalyq ortalyq shtabynan.

Ortalyq shtab qaza bolǵandardyń otbasyna kóńil aıtyp, búkil qajetti qoldaýdy kórsetýge ýáde berdi.

Eske salda ketsek, búgin túnde Pavlodar oblysynyń Baıanaýyl aýdanyndaǵy «Maıqaıyń-altyn» AQ shahtasynyń janynda topyraq opyryldy.

Saldarynan ishinde 4 jolaýshy bar avtobýs oıyqqa qulap ketti.