Baıanaýylda qar qursaýynda qalǵan balalar qutqaryldy
PAVLODAR. KAZINFORM — Qutqarýshylar Baıanaýyldan Qaraǵandy oblysyna qaraı shyǵyp, jolda turyp qalǵan eki jeńil kólikti qar qursaýynan alyp shyqty.
Bul týraly Pavlodar oblystyq tótenshe jaǵdaılar departamentiniń baspasóz qyzmetinen habarlady.
— 11 naýryz kúni saǵat Baıanaýyl aýdany Qundykól aýylynan 5 shaqyrym jerde aýdandyq avtojolda 2 jeńil avtokólik turyp qalǵan. Tótenshe jaǵdaılar departamentiniń qyzmetkerleri kómekke shyǵyp, qar qursaýynan «Hyundai Elantra» jáne «Toyota Alphard» markaly eki jeńil avtokólikti shyǵardy. Olardyń salonynda 6 jolaýshy, onyń ishinde 2 bala bolǵan. Jolaýshylar medıtsınalyq kómekke muqtaj bolmady, - dep málimdedi óńirlik tótenshe jaǵdaılar departamentinen.
Jalpy naýryz aıy Ertis-Baıan óńirinde borandy bolyp tur. Sońǵy bir aptada jergilikti avtojoldarda boran men kóktaıǵaqtyń saldarynan kólik qozǵalysyna shekteýler jıi engizilip jatyr. Qutqarýshylar bul kúnderi avtojoldarǵa kóz tigip, jolda turyp qalǵan jolaýshylarǵa kómek kórsetip jatyr. Ásirese, aýyldyq jerlerden qatynaıtyn avtokólikterdiń júrip-turýynda qıyndyqtar kezdesedi.
Eske sala keteıik, Pavlodar — Semeı avtojolynda kólik apatynan júrgizýshi qaza tapty.