Baıanaýylda avtobýs qulaǵan oıyqqa aýyr tehnıka túsirilip, izdeý jumysy jeńildeı tústi
Maıqaıyń altyn kenishindegi adamdary bar avtobýs qulap ketken oıyqqa aýyr tehnıka túsirilip, izdestirý jumystary jeńildeı tústi, dep habarlaıdy Kazinform.
Oqıǵa ornynda qurylǵan jedel shtabtyń sheshimi boıynsha keshe keshkilik oıyq túbine tehnıka kirgizý úshin jarylys jumystary júrgizilgen.
Nátıjesinde oıyq túbine jol salynyp, aýyr tehnıka túsirildi. Qazirgi kúni izdeý-qutqarý jumysy qarqyndy júrip jatyr.
Eń bastysy, avarııalyq-qutqarý jumysyna jumyldyrylǵan adamdardy topyraq basyp qalady degen qaýip joq.
Jer astyna túsip ketken avtobýs júrgizýshisi men bir qutqarýshy búgin tabylady degen úmit basym.
Keshe tústen keıin Maıqaıyń kenishindegi oıyqqa aýyr tehnıka túsý úshin jol tóselip jatqanyn habarlaǵan bolatynbyz.
Eske sala keteıik, 4 qańtarda «Maıqaıyńaltyn» ken ornynda úlken oıyq mańynda topyraq opyrylyp, 4 adam mingen avtobýs jerdiń astyna túsip ketken bolatyn.
Keıin oqıǵa ornynan eki adamnyń denesi tabyldy.
Keshkisin tabylǵandardyń kim ekeni belgili boldy.
Oqıǵa ornynda ıisshil ıtter jumys istep jatyr. Opyrylǵan jerde áli de topyraq syrǵyp túsip jatyr, opyrylý shekarasy turaqty emes.
Baıanaýylda ken ornynda kóz jumǵan jáne iz-túzsiz ketkenderdiń otbasyna 4,5 mln teńgeden beriledi.
Al qaza tapqandardy jerleý rásimine 2 mln teńgeden bólindi.
Maıqaıyńdaǵy altyn kenishi týraly ne bilemiz?
Altyn kenishindegi qaıǵyly jaǵdaıǵa baılanysty polıtsııa sotqa deıingi tergeýdi bastady.