Baıanaýylda áýeden barlaý kezinde arqarlar beınekameraǵa túsip qaldy
ASTANA. KAZINFORM — Baıanaýyl memlekettik ulttyq tabıǵı parkiniń aýmaǵyn áýeden barlaý kezinde taýda erkin júrgen arqarlar beınekameraǵa túsip qaldy. Erekshe kadrlardy «Qazavıaormanqorǵaý» RMQK Baıanaýyl avıatsııalyq bólimshesiniń bastyǵy Jasulan Sátbaev túsirgen. Bul týraly Ekologııa mınıstrligi málim etti.
Áýeden barlaý barysynda orman alqaptarynyń jaǵdaıy baqylanyp qana qoımaı, tabıǵı aýmaqtaǵy janýarlar dúnıesin de kezdestirýge múmkindik týady. Bul joly Baıanaýyl taýlarynda júrgen arqarlar obektıvke ilikti.
— Osyndaı kadrlar — erekshe qorǵalatyn tabıǵı aýmaqtaǵy jabaıy janýarlardyń tabıǵı tirshiliginen bir kórinis, — delingen habarlamada.
buǵan deıin Shyǵys Qazaqstan oblysyndaǵy Tarbaǵataı memlekettik ulttyq tabıǵı parki aýmaǵynda arqarlar fototuzaqqa birneshe ret túsip qalǵanyn jazǵan edik.
