Baıanaýyl ulttyq parkindegi órt aýyzdyqtaldy

PAVLODAR. KAZINFORM — Órt sóndirýshiler qazirgi ýaqytta jekelegen jalyn oshaqtaryn joıýmen shuǵyldanyp jatyr. Aýmaqta jaýǵan jańbyr da tilsiz jaýdy jedel eńserýge sebep bolǵan.

өрт
Фото: ҚР ТЖМ

Baıanaýyl ulttyq parkiniń Jasybaı ormanshylyǵynda shyqqan órt aýyzdyqtaldy. Bul aqparatty Baıanaýyl aýdanynyń ákimdigi rastady.

— Adam kúshteri men quraldary ulttyq park aýmaǵyndaǵy negizgi órt oshaqtaryn sóndirdi. Aýdandyq tótenshe jaǵdaılar basqarmasynyń málimetinshe, tek keıbir jerlerde byqsyp janyp jatqan jerler áli de saqtalyp otyr. Oqıǵa ornynda kezekshi órt sóndirýshiler túni boıy jaǵdaıdy baqylaýmen bolady. Al tańerteń tyń kúsh taǵy jumyldyrylyp, órtti tolyǵymen joıý josparlanyp otyr. Qazir aýdan aýmaǵynda jańbyr jaýyp tur. Bul jaǵdaı tabıǵı apattyń tez arada aýyzdyqtaýǵa óz septigin tıgizgen, - dep habarlady aýdan ákimdiginiń baspasóz qyzmetinen.

Eske sala keteıik, búgin Baıanaýylda ulttyq parkke qarasty jerler órtendi. 

Tótenshe jaǵdaılar mınıstrligi Baıanaýyldaǵy eldi mekenderge qaýip joq ekenin málimdedi. 

Buǵan qosa Baıanaýylda órtenip jatqan úıler kimge tıesili ekenin anyqtap jazǵan edik.

Baıanaýyl ulttyq parkine jyl saıyn 120 myńnan astam týrıst keledi. 

Сейчас читают