Baıanaýyl ulttyq parkindegi orman órti oqshaýlandy
ASTANA. KAZINFORM — Baıanaýyl memlekettik ulttyq tabıǵı parkiniń Dolbınsk ormanshylyǵy aýmaǵynda orman órti oqshaýlandy. Qazirgi ýaqytta órtti tolyq sóndirý jáne qaıta tutanýyna jol bermeý jumystary jalǵasyp jatyr. Bul týraly TJM málim etti.
Vedomstvonyń habarlaýynsha, Baıanaýyl memlekettik ulttyq tabıǵı parkinde 14 qyrkúıek kúni tutanǵan órt búgin saǵat 17:00–de oqshaýlandy.
— Jel baǵytynyń ózgerýi men kúsheıýine baılanysty órt joǵary qarqynmen taraldy. Ony oqshaýlaýǵa «Qazavıaormanqorǵaý» RMQK-nyń sý tógetin qurylǵymen jabdyqtalǵan Mı-8 tikushaǵy, sondaı-aq áýeden barlaý júrgizý jáne qajetti kúshterdi jetkizý úshin ES tikushaqtary jumyldyryldy, — delingen habarlamada.
Órtti sóndirýge orman kúzeti qyzmetkerlerimen qatar «Semeı ormany» jáne «Ertis ormany» memlekettik orman tabıǵı rezervattarynan, sondaı-aq Qarqaraly ulttyq parkinen qosymsha kúshter tartyldy.
Barlyǵy 133 adam jáne 44 birlik tehnıka jumyldyryldy.
Órtti sóndirý jumystary áli de jalǵasyp jatyr.
Buǵan deıin Baıanaýylda ulttyq parkke qarasty jerler órtenip jatqanyn jazǵan edik.
