Baıanaýyl ulttyq parkinde órttiń taralýy baqylaýǵa alyndy
ASTANA. KAZINFORM – 16 qyrkúıektegi jaǵdaı boıynsha Baıanaýyl memlekettik ulttyq tabıǵı parkiniń Dalba bólimshesi aýmaǵyndaǵy órttiń odan ári taralýy baqylaýǵa alyndy
Órt sóndirý kúshteriniń jedel ári úılesimdi jumysynyń nátıjesinde jalynnyń jańa aýmaqtarǵa taralýyna jol berilmedi. Qazirgi ýaqytta órt oshaqtaryn baqylaý, sóndirý jáne qaıta tutanýǵa jol bermeý jumystary jalǵasyp jatyr.
Oqıǵa ornyndaǵy jaǵdaı Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti tóraǵasynyń orynbasary Erlan Qutpanbaev pen Memlekettik baqylaý, ormandy qorǵaý jáne saqtaý basqarmasynyń basshysy Jolbarys Nııazdyń tikeleı baqylaýynda.
Órttiń qaıta tutanýyna jol bermeý maqsatynda tıisti jumys jalǵasyp jatyr.
Aıta ketelik Baıanaýylda ulttyq parkke qarasty jerler órtenip jatqany týraly jazǵan edik.
