Baıanaýyl ulttyq parkinde órt shyqty
ASTANA. KAZINFORM — «Baıanaýyl» memlekettik ulttyq tabıǵı parkiniń aýmaǵynda órt tirkeldi. Qazirgi ýaqytta órtti sóndirý jumystary júrgizilip jatyr.
2026 jylǵy 2 tamyzda saǵat 14:10 shamasynda Jasybaı ormanshylyǵynyń 17-oramynda órt shyqqany anyqtalǵan.
Órtti sóndirýge «Baıanaýyl» MUTP-nyń 21 qyzmetkeri men eki órt sóndirý tehnıkasy, sondaı-aq Tótenshe jaǵdaılar departamentiniń úsh mamany jumyldyrylǵan.
— Qosymsha kúsh retinde ulttyq park aýmaǵyna bes tehnıka men 18 qyzmetker jiberiledi. Sonymen qatar Ekologııa jáne tabıǵı resýrstar mınıstrliginiń Pavlodar qalasyndaǵy Mı-8 tikushaǵy órt ornyna ushýǵa daıyndalyp jatyr, — delingen habarlamada.
Qazirgi tańda jaǵdaı mınıstrliktiń baqylaýynda.
Eske salaıyq, buǵan deıin 2026 jylǵy 1 tamyzda elimizdiń memlekettik orman qory aýmaǵynda jeti orman órti tirkelgenin habarlaǵan edik.
