Baıanaýyl ulttyq parkinde qaraqurttardyń jumyrtqasy joıylyp jatyr
PAVLODAR. KAZINFORM - Mekemeniń ǵylymı qyzmetkerleri atalǵan jumystar demalýshylar men park aýmaǵyna kelýshilerdiń qaýipsizdigin qamtamasyz etý maqsatynda júrgizilip jatqanyn atap ótti.
Toraıǵyr kóliniń soltústik-shyǵys jaǵalaýynda qaraqurttardy joıý jumystary bastaldy.
- Ulttyq parktiń ǵylym jáne monıtorıng bólimi men Jasybaı bólimshesi memlekettik ınspektorlarynyń qatysýymen Toraıǵyr kóliniń tasty aýmaǵynda qaraqurttardy joıý boıynsha is-shara ótkizildi. Jumystar barysynda 24 dana qaraqurttyń jumyrtqasy arnaıy ydysqa jınalyp, kózderi joıyldy. Al analyq qaraqurttar anyqtalǵan joq. Іs-shara demalýshylar men park aýmaǵyna serýendep kelgen týrısterdiń qaýipsizdigin qamtamasyz etý maqsatynda qolǵa alynǵan, - dep habarlady Baıanaýyl ulttyq parkinen.
Qaýipti jándikter Toraıǵyr kóliniń soltústik tasty jaǵajaıynda shamamen 2-3 shektar jerdi jaılaǵan.
Buǵan deıin Baıanaýyldaǵy Toraıǵyr aýmaǵynda taǵy qaraqurt shyǵyp jatqanyn jazǵanbyz.
