Baıanaýyl ulttyq parkinde birqatar zań buzýshylyq anyqtaldy
PAVLODAR. KAZINFORM — Baıanaýyl ulttyq parkinde prokýrorlyq tekseris barysynda jerdi óz betinshe basyp alý, zańsyz qurylys salý jáne konkýrssyz ýchaskeler berý faktileri anyqtalǵan. Bul týraly Pavlodar oblysy prokýratýrasy málim etti.
«Qazirgi ýaqytta qadaǵalaý aktisi boıynsha jerdi bosatý jáne óz betinshe salynǵan ǵımarattardy buzý boıynsha sharalar qabyldanyp jatyr. Sonymen qatar prokýrordyń narazylyǵy boıynsha Orman sharýashylyǵy komıteti týrobektilerdi ornalastyrýǵa oryn bergeni úshin tarıfterdi bekitý boıynsha jumys júrgizýdi qolǵa aldy», — delingen habarlamada.
Búgingi tańda 70-ke jýyq demalys úıleri, kafeler men meıramhanalar jalǵa alynǵan jer ýchaskeleri úshin tólemnen bosatyldy.
Sol sebepti Baıanaýyl ulttyq parki jyl saıyn shamamen 230 mln teńge shyǵynǵa ushyraıdy, bul tabıǵatty qorǵaý is-sharalaryna, qyzmetkerlerdiń aqshalaı úlesine jáne t. b. baǵyttalýy múmkin edi.
