Baıanaýyl ulttyq parkinde bir top arqar kezdesti
ASTANA. KAZINFORM – Kezekti aýmaqty barlaý barysynda Baıanaýyl memlekettik ulttyq tabıǵı parkiniń mamandary men «Qazavıaormanqorǵaý» qyzmetkerleri bir top arqarlardy keziktirdi.
Sulýlyǵy men qataldyǵy qatar órilgen tabıǵı ortada erkin jaıylǵan arqarlar — Baıanaýyl tabıǵatynyń aıryksha baılyǵy men kórkin aıqyndaıtyn áserli kórinis.
Mundaı kezdesýler — jaı ǵana ádemi kadr emes. Bul ulttyq park aýmaǵyndaǵy janýarlar dúnıesiniń saqtalyp, tabıǵı ortanyń óz qalpynda jalǵasyp jatqanyn kórsetetin mańyzdy belgi.
Arqar — qazaq dalasynyń aıbyndy janýarlarynyń biri. Olardy tabıǵı mekeninde kórý — árdaıym erekshe áser syılaıtyn sát.
Baıanaýyldyń keń dalasy men tasty jotalarynda erkin júrgen arqarlar — tabıǵattyń únsiz, biraq aıryksha ásem tynysy.
Tabıǵatty qorǵaý jolyndaǵy árbir baqylaý jumysy osyndaı qundy kezdesýlermen tolyqqanda, onyń mańyzy tipti tereńdeı túsedi.
Aıta ketelik Baıanaýyl ormandarynda alǵash ret quný kózge túsken edi.
