Baıanaýyl ulttyq parkinde avtomattandyrylǵan shlagbaým iske qosyldy
PAVLODAR. KAZINFORM - Baqylaý-ótkizý beketterinde endi qolma-qol aqsha jáne bank kartalary arqyly tólem qabyldanbaıdy. Tólem tek bank qosymshalarynyń QR-lary arqyly júzege asyrylady.
Bul týraly Baıanaýyl memlekettik ulttyq parkinen habarlady.
- Ulttyq parktiń Jasybaı demalys aımaǵyna enetin tusynda a vtomattandyrylǵan shlagbaým iske qosyldy. Budan bylaı baqylaý-ótkizý beketterinde qolma-qol aqsha jáne bank kartalary arqyly tólem qabyldanbaıdy. Tek Kaspi QR jáne Halyk QR arqyly ǵana tóleı alasyz. Saparyńyzdy yńǵaıly etý úshin tólemdi aldyn ala nemese baqylaý-ótkizý beketindegi QR-kod arqyly júrgizýlerińizdi suraımyz, - dep málimdedi parkten.
Shlagbaýmdar mańynda tegin Starlink Wi-Fi jelisi jumys istep tur. Tólem júrgizý kezinde kóliktiń memlekettik tirkeý nómirin engizý qajet bolady. Buǵan qosa bank qosymshasy arqyly aldyn ala tólem jasap qoıýǵa da bolady.
Buǵan deıin Baıanaýyldaǵy Jasybaı demalys aımaǵyna kirý qansha turatynyn jazǵan bolatynbyz.
