Baıanaýyl taýlarynda erkin júrgen arqarlar vıdeoǵa túsip qaldy
PAVLODAR. KAZINFORM - Ulttyq park aýmaǵyn mekendeıtin taý arqarlarynyń sany búginde 800-ge taıap qalǵan. Janýarlar Qazaqstannyń Qyzyl kitabyna engizilgen.
Baıanaýyldyń asqaq taýlarynda erkin júrgen arqarlar vıdeoǵa túsip qaldy.
Ádette adamdar kózinen tasa jerde, bıik taý basynda jaıylatyn sútqorektiler kadrǵa sırek iligedi.
- Sońǵy sanaqtar boıynsha, ulttyq parktiń aýmaǵynda bul janýardyń 781-i júr. Olar únemi taýly aımaqty mekendep, ushar bastarynda jaıylady. Qarasha-qazan aılarynda kúıekke túsedi. Sol kezde quljasy men urǵashysy birge jaıylady. Odan keıingi ýaqytta quljalary bólek júredi, - dep habarlady ulttyq parkten.
Kóbeıip kele jatqan arqardyń negizgi qoregi - jýsan, qııaq, bıdaıyq sııaqty shópter. Qysta butany da talǵajaý etedi. Arqarlar ádette tań ata, sosyn keshki ýaqytta jaıylady.
Búginde Baıanaýyl ulttyq parkinde sútqorektilerdiń 45 túri bar. Olardyń deni Aqbet, Dalba, Qyzyltaý, Jeltaý, Sarytaý aımaqtaryn mekendeıdi.
Eske sala keteıik, Baıanaýyl ormandarynda emin-erkin jaıylyp júrgen bulandar beınetaspaǵa tústi. https://kaz.inform.kz/news/bayanauil-ormandarinda-emn-erkn-zhayilip-zhurgen-bulandar-beynetaspaga-tust-bcae71
Sondaı-aq Baıanaýyldyń jeti keremeti týraly arnaıy materıal jarııalaǵanbyz.
