Baıan Ólgeıge shildeniń shilińgirinde qar tústi
BAıAN-ÓLGEI. QazAqparat -Mońǵolııanyń Baıan Ólgeı aımaǵynda 25-26 shilde aralyǵynda nóser jańbyr jaýyp, qar tústi, dep habarlaıdy QazAqparat Montsame agenttigine silteme jasap.
Osy aıdyń sońynda Mońǵolııanyń basym bóliginde nóser jaýyn jaýyp, keı jerlerde burshaq tústi. Osynyń barlyǵy da jergilikti turǵyndarǵa aıtarlyqtaı shyǵyn keltirdi.
Mundaı qubylmaly aýa raıy bıyl birinshi ret bolyp otyrǵan joq. 21 maýsym kúni Gov-Altaı aımaǵynda da qar jaýyp, boran bolǵan. Uzaq ýaqyt jaýǵan jańbyrdyń saldarynan Mońǵolııanyń Hovd, Býıant, Sagsaı jáne Týrgan sııaqty ózenderiniń sýy arnasynan asty.
Buǵan qosa qazir sınoptıkter búkil el aýmaǵynda jaqyn kúnderi ótkinshi jáne nóser jaýyn jaýatynyn aıtty. Jaýynnyń saldarynan shaǵyn ózenderde sý arnasynan asyp, tasqyn bolýy da múmkin. Osy sebepti ata-analarǵa balalaryn jaqyn mańdaǵy ózen-kólderge jibermeý jóninde eskertý jasaldy.
