Baıan-Ólgeıde Qazaqstan ádebıeti men mádenıeti ortalyǵy ashyldy
Osy is-shara barysynda eki memlekettiń kitaphanalary arasynda memorandýmǵa qol qoıyldy.
Ortalyqqa Qazaqstannyń saıasaty, ekonomıkasy, tarıhy, tabıǵaty, salt-dástúri jáne t.b. taqyryptaǵy 200 dana kitap daıyndaldy. Sondaı-aq, «Atajurttan rýhanı tartý» jobasy boıynsha «Otandastar» qory men «Folıant» baspasy atynan 500 danaǵa jýyq kitap kerýeni bardy.
Halyqaralyq jobanyń maqsaty – shet elde qazaq ádebıetin tanymal etý, qazaqstandyq avtorlardy jahandyq ádebı úrdiske ıntegratsııalaý, qazaq halqynyń tarıhy men mádenıetin, salt-dástúrlerin, saıasatyn, áleýmettik salany, klassıkalyq jáne zamanaýı proza men poezııanyń ádebı baılyǵyn damytý.Biz kazir bul kitaphanalarmen tyǵyz baılanystamyz, birlesken is-sharalar ótkizip, taǵy da basqa josparlardy júzege asyrýdamyz.
2016 jyldan bastap Qazaqstan Respýblıkasy Ulttyq akademııalyq kitaphanasy alys-jaqyn shetelderdiń ulttyq kitaphanalarynda «Qazaqstan ádebıeti men mádenıeti ortalyqtarynyń ashylýy halyqaralyq jobasy bizdiń kitaphananymyzdyń basshysy Úmithan Daýrenbekqyzynyń ıdeıasymen, Qazaqstan Respýblıkasy Mádenıet jáne sport mınıstrliginiń, Qazaqstan Respýblıkasy Syrtqy ister mınıstrliginiń jáne Qazaqstan Respýblıkasynyń shet elderdegi Elshilikterdiń qoldaýymen júzege asýda.
Aıta ketsek, búgingi tańda álemniń 31 elinde Koreıa, Qyrǵyz Respýblıkasy, Fınlıandııa, Vengrııa, Reseı Federatsııasy, Armenııa, Malaızııa, Túrkııa, Qytaı, Grýzııa, Frantsııa, Japonııa, Shvetsııa, Makedonııa, Bolgarııa, Chehııa, Italııa, AQSh (Nıý - Iork kópshilik kitaphanasy jáne Kongress kitaphanasy) ıAkýtııa Respýblıkasy, Chývash Respýblıkasy, Rýmynııa, Iran, Argentına, Brazılııa, Ýdmýrtııa, Germanııa, Ispanııa, Ózbekstan kitaphanalarynda ortalyqtar ashylyp, jumys isteýde. Ortalyqtyrdyń ashylý barysynda «Ózara túsinistik jáne yntymaqtastyq týraly» memorandýmdarǵa qol qoıyldy, sonyń aıasynda ádebıettermen, tájirıbe almasý jáne elektrondy kitaphanalaryna qoljetimdilik ornatyldy.
