Baıan-Ólgeıde 530 úıdi sý basyp qaldy

ULAN-BATYR. QazAqparat -- Mońǵolııanyń qazaqtar kóp qonystanǵan Baıan-Ólgeı aımaǵynda nóser jańbyr saldarynan sý basqan úıdiń sany 530-ǵa jetti. Bul týraly «QazAqparat» HAA Montsame agenttigine silteme jasap habarlaıdy. 

Agenttiktiń habarlaýynsha, qazirgi kezde 530 úıdi qyzyl sý alyp ketken. Úısiz qalǵan 2512 turǵyn aımaqtaǵy balabaqsha men mektepterdiń ǵımarattaryna ornalastyrylyp jatyr.

Arnaıy komıssııasynyń qorytyndysyna sáıkes, kóptegen otbasylardyń úıleri turýǵa jaramsyz bolyp qalǵan. Apat saldaryn joıý jumystary jan-jaqty júrgizilip jatyr.

Eldiń tótenshe jaǵdaılar jónindegi komıteti tabıǵat apatynyń shyǵyndaryn eseptep, úısiz qalǵandarǵa kómektesýde.

Eske sala keteıik, buǵan deıin biz Baıan-Ólgeı aımaǵynda nóser jańbyr  saldarynan 275 úıdi sý alǵany týraly jazǵan bolatynbyz.