Baıan Nurtaeva Qaraǵandy oblysynyń bala quqyǵyn qorǵaý basqarmasyn basqarady
QARAǴANDY. KAZINFORM - Qaraǵandy oblysynda Balalardyń quqyqtaryn qorǵaý basqarmasyna jańa basshy taǵaıyndaldy. Bul qyzmetke buǵan deıin Qaraǵandy qalasynyń Qazybek bı atyndaǵy aýdan ákimdiginde áleýmettik salaǵa jetekshilik etken Baıan Nurtaeva keldi.
Baıan Nurtaevanyń eki joǵary bilimi bar. Ol Qaraǵandy pedagogıkalyq ınstıtýtyn jáne Almaty ekonomıka jáne statıstıka ınstıtýtyn támamdaǵan.
Eńbek jolyn 1991 jyly Qaraǵandy qalasyndaǵy №10 orta mektepte ınformatıka pániniń muǵalimi bolyp bastaǵan. Keıingi jyldary Qaraǵandy qalalyq Bilim basqarmasynda tárbıe jumysy jónindegi bas maman qyzmetin atqaryp, sondaı-aq qalalyq bilim bóliminiń áleýmettendirý jáne tárbıe berý bólimin basqarǵan.
2012–2020 jyldary Qaraǵandy qalasynyń Mádenıet jáne tilderdi damytý bóliminiń basshysy boldy. Keıinnen qalanyń Mádenıet, tilderdi damytý, dene shynyqtyrý jáne sport bólimin basqardy.
2025 jyldan bastap osy taǵaıyndaýǵa deıin Qaraǵandy qalasynyń Qazybek bı atyndaǵy aýdan ákiminiń áleýmettik máseleler jónindegi orynbasary qyzmetin atqardy.
Jańa laýazymynda Baıan Nurtaeva balalardyń quqyqtary men zańdy múddelerin qorǵaý máselelerine, sondaı-aq óńir aýmaǵynda osy saladaǵy memlekettik saıasattyń iske asyrylýyna jetekshilik etedi.
Buǵan deıin Erbol Kúmisqojaevtyń Ulytaý oblysy Qoǵamdyq damý basqarmasynyń basshysy bolyp taǵaıyndalǵany habarlanǵan bolatyn.
