Baıan Maqsatqyzy jalqaýlar men masyldarǵa post arnady
ASTANA. QazAqparat - Tanymal qazaqstandyq prodıýser Baıan Maqsatqyzy óziniń Instagram paraqshasynda jalqaýlarǵa jáne masyldarǵa keńes berdi.
«Tabys ta mahabbat tárizdi, eshqandaı aqshaǵa satylmaıdy. Áıtpese men tabysqa baıaǵyda jeter edim. Baqytyma oraı, maǵan kóp jumys isteýge týra keldi. Aqshanyń kúshi - mahabattyń kúshi sekildi túrli múmkindikterge jol ashady. Men kóńil-kúıdi, súıikti jumysymdaǵy qumarlyqty, jańa áserlerdi, ıdeıalarymdy satyp alamyn. Biraq, satyp alý úshin de jyldar boıy jumys istedim, qaýip-qaterge bas tiktim, eńbektendim. Meniń tabysymdy aspannan túsken sáttilikpen salystyratyndarǵa aıtarym, aınaǵa qarap, ózińizden osynyń barlyǵyn men isteı aldym ba, isteseńiz kimniń esebinen dep surańyz», - dep jazdy juldyz.
Baıan Maqsatqyzy ózgeniń ómirine aralaspaı, óz aınalasyna kóz júgirtýge keńes berdi.
«Tabysty áıeldiń artynda er adamnyń turýy mindetti emes, áıeldiń ózi-aq tabysqa qol jetkize alady. Shamasy Sizder muny túsinbeıtin sııaqtysyzdar. Jalqaýlarǵa jáne masyldarǵa arnalady!!!», - dedi Baıan.
Buǵan deıin Baıan Esentaevanyń Facebook akkaýntynda famılııasy Muhıtdenova, Instagram-da Baıan Maqsatqyzy bolyp tirkelgeni habarlanǵan edi.
