Baıan Maqsatqyzy «Tumar» syılyǵyna bolashaq jubaıy Tursynǵalı Alagózovpen birge keldi
«Biz úshin kórermenniń kúlkisi men alǵysy ár ýaqytta da joǵary marapat bolyp keldi. Barlyǵymyz da soǵan umtylamyz. Degenmen, seni kásibı turǵyda sol salanyń mamandarynyń baǵalaýy múldem ózgeshe kóńil-kúı syılaıdy. Bul syılyq telearnada jumys isteıtinderge, bizderge asa qajet dep bilemin. Ol zor yntamen jumys istep, ádil básekelestiktiń bolýyna septigin tıgizedi. Barlyǵy da ashyq, ádil ótetindigine jáne naǵyz laıyqtylar jeńimpaz bolatyndyǵyna senemiz», - dedi ol saltanatty sharanyń ashylý rásimi aldynda BAQ ókilderine bergen suhbatynda.
Sonymen qatar ol Qazaqstannyń televıdenıe salasy únemi damý ústine kele jatqanyn basa aıtty.
«Osydan 20 jyl buryn televıdenıe jasaǵan dúnıelerdi qazirgimen salystyrsaq, múldem basqa deńgeı ekendigi anyq. Qazirgi ýaqytta qyzyqty jasalǵan qandaı da bir telearna jobalaryn aıryqsha atap ótýge bolady. Franchaızıng boıynsha jasalatyn kóńil kóterý baǵytyndaǵy jaqsy dúnıeler bar. Menińshe, biz qandaı da bir detaldarda kemshin túsip jatqanymyz joq. Tolyqtaı alǵanda biz damý ústindemiz, bul jaqsy», - dedi Baıan Maqsatqyzy.
Aıta keterligi, saltanatty sharaǵa Baıan Maqsatqyzy bolashaq jubaıy, bıznesmen Tursynǵalı Alagózovpen birge keldi.
