Baıan Maqsatqyzy men Dınara Sátjan sý tasqyny bolǵan aımaqtarǵa kómek kórsetpek
ASTANA. QazAqparat - Qazaqstanda osy ýaqytta eń ózekti máselelerdiń birine aınalyp otyrǵan sý tasqynyna qatysty jaǵdaı juldyzdardy da tolǵandyrýda. Tabıǵattyń tylsym kúshinen zardap shekken turǵyndarǵa kómek kórsetý aktsııasyna tanymal prodıýser Baıan Maqsatqyzy men belgili telejúrgizýshi Dınara Sátjan da úles qospaq. Bul týraly óziniń jelidegi paraqshasynda qaıyrymdylyq sharasynyń bastamashylarnyń biri - Erlan Saırov jazdy.
Otandyq shoý-bıznes ókilderi «Respýblıka óńir damý» qoǵamdyq qorynyń keńsesine kıimder men azyq-túlikter alyp keldi. Buǵan qosa, Baıan men Dınara ózge de eriktilermen qatar jınalǵan gýmanıtarlyq kómekti úlestirý jumystaryna atsalysýda. Úlestirý jumystaryn «Premer» sán agenttiginiń qyzdary da úles qosýda.
Gýmanıtarlyq kómektiń alǵashqy partııasy Qaraǵandy oblysyndaǵy Buqar Jyraý aýdanyna jóneltilmek.
Aıta keteıik, 20 sáýir kúni Astanadan eldiń sý tasqyny bolǵan aımaqtaryna alǵashqy gýmanıtarlyq kómekter jóneltiledi. Sonymen qatar, qoǵam qaıratkerleri men bıznes ókilderiniń qatysýymen baspasóz-máslıhaty ótedi.
17 sáýirden beri Astanada Qazaqstannyń sý tasyǵan aımaqtaryndaǵy turǵyndarǵa gýmanıtarlyq kómek jınaý aktsııasy ótip jatyr.
Koster býdet goret ıarko, eslı kajdyı býdet sobırat hvorost.#taskynkomek
