Baıan Maqsatqyzy «Qazaq Arýy» konkýrsyna qatysýshylardyń sýretterin jarııalady
ASTANA. QazAqparat - Tanymal prodıýser Baıan Maqsatqyzy Istagramǵa «Qazaq Arýy» konkýrsyna qatysýshylardyń fotolaryn jarııalady, dep habarlaıdy «QazAqparat» HAA tilshisi.
Buryn habarlanǵandaı, Baıan Maqsatqyzy «Qazaq Arýy2017» baıqaýyna kastıng jarııalaǵan edi. Onyń sózine qaraǵanda, talaptar mynadaı: úmitkerlerdiń boıy 170 santımetrden bıik bolýy kerek, al salmaǵy 53 keliden aspaýy shart. Jas aralyǵy - 16-22.
Sulýlyq, aqyldylyq pen daryndylyq konkýrsy osymen jetinshi ret ótkeli otyr. Atalmysh saıys úsh ret Astanada ótti.
Eske sala ketsek, «Qazaq arýy-2016» 16 naýryzda ótti. Onda Atyraý oblysynyń týmasy Almıra Ahatova jeńimpaz atandy.
«Bıyl alǵash ret «Qazaq arýy» baıqaýyna Vıktorııa Petrova esimdi arý qatysatyn boldy. Ol Pavlodar qalasy atynan baq synaıdy. Onyń qazaq tilin, salt-dástúrin qanshalyqty biletini bizdi tańǵaldyrdy», - dep jazdy baıqaýdyń uıymdastyrýshysy Baıan Maqsatqyzy óziniń Instagram-daǵy paraqshasynda.
