Baıan Maqsatqyzy Alakózovtiń tegin alatyn boldy
ASTANA. QazAqparat - Belgili qazaqstandyq prodıýsser Baıan Maqsatqyzy bergen suhbatynda oǵan shynymen bolashaq jarynyń tegi unaıtynyn, onyń tegin qabyldaýdy oılap júrgenin, sondaı-aq Tursynǵalı Alakózovtiń usynysyn qabyl alyp, onymen nekege otyrýǵa keliskenin aıtty.
«Informbıýro» efırinde Baıan Maqsatqyzy óziniń jeke ómiri jaıly habarlady.
Baıannyń aıtýynsha, Tursynǵalı Alakózovpen toı osy jyly sáýirde bolmaq, neke júzigin satyp alyp ta qoıǵan. Ol Tursynǵalımen ótken jyly naýryzda tanysqan. Esentaevpen nekede turǵanyna qaramastan, mamyrda oǵan ǵashyq bolyp qalǵanyn túsingen. Al maýsymda onyń ómirinde sol jantúrshigerlik oqıǵa oryn aldy. «Biz eki otbasyn buzǵanymyzdy jaqsy túsinemin. Bul óte aýyr jaǵdaı. Bizge de ońaı emes. Baqyt jaıly aıtý ázirge erterek. Tek súıetinimdi, súıikti ekenimdi bilemin», - degen oıyn bildirdi tele júrgizýshi.
Balalar jaıly, ol onyń qyzdary men Tursynǵalıdiń balalary bir-birimen aralaspaıtynyn aıtty. «Ókinishke oraı, jaǵdaı osylaı bolyp tur. Mundaı kúrdeli otbasylyq jaǵdaıda bul ýaqytsha qubylys dep oılaımyn. Keleshekte náresteli bolý jaıly aıtar bolsam, ol bir Allanyń quzyrynda, eger bolyp jatsa, budan asqan baqyt bar ma?!» - dep atap ótti Baıan.
