Baıan Esentaevanyń qyzy synǵa ilikti - VIDEO
ASTANA. QazAqparat - Áleýmettik jeli qoldanýshylary Baıan Esentaevanyń qyzynyń aǵylshynshasy men qazaqshasyn synǵa aldy, dep jazady baistars.kz.
Baıan Esentaeva óziniń Instagram-daǵy paraqshasynda tez arada bir qujatty jetkizýge kómektesý týraly jurtqa ótinishin bildirgen bolatyn. Keıinnen qyzynyń sol másele boıynsha telefonmen aǵylshynsha sóılesip jatqan vıdeosyn saldy.
Artynsha jurt: «Qazaqsha sóılesip jatqanyn salmas edińiz, aǵylshynsha sóılegeni maqtanysh pa? Qazaqshany osylaı sóıleı ala ma?» - degen pikirler jaza bastaǵan. Osydan keıin Baıan qyzynyń qazaqsha da jaqsy sóıleı alatynyn dáleldeý maqsatynda Aısaýleniń syn aıtqan adamdarǵa qazaqsha jaýap bergen vıdeosyn da júktedi. Degenmen biri maqtap jatsa, endi biri «qazaqsha sóıleı almaıdy, sózderi jattandy» dep, qazaqshasyn da biraz talqyǵa salyp úlgerdi.
