Baıan Esentaevanyń kúıeýi adam óltirýge oqtaldy dep aıyptalyp otyr
TALDYQORǴAN. QazAqparat - Baqytbek Esentaevqa QR QK-niń 24-babynyń 3-bólimi boıynsha 99-baptyń 1-bólimi («Adam óltirýge oqtalý») boıynsha aıyptar taǵylyp otyr. Bul týraly Almaty oblystyq prokýratýrasynan habarlady.
Qazir Talǵar aýdandyq ІІB sot aldyndaǵy tergeý amaldaryn júrgizip jatyr.
Eske sala keteıik, 10 maýsym kúni Talǵar aýdanynyń Qulja kúre jolynda tanymal qazaqstandyq prodıýser Baıan Esentaeva kúıeýimen kıkiljińnen keıin jabyq bas-mı jaraqaty jáne mıy shaıqalyp, ishinen pyshaqtalyp aýdandyq aýrýhanaǵa jetkizildi. Oǵan birneshe ota jasaldy, qazirgi kezde prodıýser jansaqtaý bóliminde jatyr. Dárigerler onyń jaǵdaıyn turaqty aýyr dep baǵalady.
