Baıan Esentaevanyń 1000 dollary kimge buıyrdy? - FOTO/VIDEO
ASTANA. QazAqparat - Bir apta buryn prodıýser ári telejúrgizýshi Baıan Esentaeva Instagramdaǵy oqyrmandary arasynda baıqaý uıymdastyryp, jeńgen adamǵa 1000$ (eski baǵammen) syıaqy berýge ýáde etken edi. Baıqaý sharty boıynsha, qatysýshylar ǵalamtorda jarııalanǵan mońǵol balasy oryndaǵan ándi aına-qatesiz qaıtalaýy tıis bolǵan.
Fınal jaqyndaǵanda prodıýser úzdik shyqqan eki úmitkerdi jarııalap, jeńimpazdy oqyrmandarynyń daýsy arqyly anyqtaıtynyn aıtty. Keıin eki úmitker de úzdik bolǵanyn aıtyp, syıaqyny teń bólip berýdi jón kórdi. Osylaısha 180 000 teńgeni @bekzhomie jəne @zhuli_jan akkaýnt ıegerleri - Bekjan Saýyrbaev (vıdeo) pen Arsen Tahan (vıdeo) esimdi ul bala bólip alatyn boldy.
«Men óz daýysymda oń jaqta turǵan jigitke berer edim, alaıda kishkene bala óziniń jasyna qaramastan ándi óte sheberlikpen aıtyp shyqty. Baıqaý shartynyń ońaı emes ekenin eskere otyra, men júldeni teń bólgendi jón kórdim. Quttyqtaımyn!!!», - dep jazdy prodıýser óz paraqshasynda.
