Baıan Esentaeva jańa jigitter tobyn tanystyrdy (FOTO)

ASTANA. QazAqparat - «Túngi stýdııada» baǵdarlamasynda tanymal qazaqstandyq prodıýsser Baıan Esentaeva «Alaý» atty jańa jigitter tobyn tanystyrdy.

Baıan Esentaeva jańa jigitter tobyn tanystyrdy (FOTO)

Buǵan deıin ol jańa boız-bendtiń el aldyna shyǵatyny týraly áleýmettik jeliler arqyly habardar etken: «Aldaǵy dúısenbide sizder tórt jigitten turatyn jańa, tartymdy, jas topty kóre de, estı de alatyn bolasyzdar. Olar biz úshin qazirdiń ózinde eń úzdik!!!».

Top músheleri: Erjan Muqataev, Áset Arystanbek, Hamıt Sataev jáne Erbol Salyqbaev.

«Sizder qaldyrǵan pikirlerge qaraǵanda, bul is bizdiń qolymyzdan kelgen sekildi. Bizdiń jigitterdi qarsy alyńyzdar... Jaqynda jańa beınebaıanymyz shyǵady!!!», - dep jazdy Baıan Esentaeva Instagramda.