Baıan Esentaeva óziniń tegin ózgertti
ASTANA. QazAqparat - Qazaqstandyq tanymal prodıýser Baıan Esentaeva Facebook jáne Instagram sııaqty áleýmettik jelilerdegi akkaýnttarynda tegin ózgertip jazdy.
Ol Esentaeva degen teginen bas tartyp, ózin Baıan Mýhıtdenova dep jazdy.
Esterińizge sala keteıik, osyǵan deıin tanymal juldyz óziniń jan jary Baqytbek Esentaevpen arada bolǵan janjal týraly aıtyp bergen bolatyn. Baıan óziniń kúıeýimen ajyrasyp ketkendigin rastady.
Jaqynda kúnderde Baıan óziniń jazylýshylaryn Úndistannan joldaǵan sýretterimen qýantty. Ol óziniń qurbylarymen birge demalyp, ári osy elde em alyp júr. Sonymen qatar ol qazir izdenis ústinde júrgendigin jańa ózgeristerdi kútetindigin aıtqan.
Aıta keteıik, 10 maýysm kúni Baıan Esentaevany aýdandyq aýrýhanaǵa jetkizip, oǵan 3 saǵattyq operatsııa jasaldy. Naýqastyń jaǵdaıy ol kezde óte aýyr bolatyn. Al, Baıannyń kúıeýi Baqytbek Esentaev Talǵar aýdandyq ishki ister bólimine jetkizildi.
Atalǵan fakti negizinde QR Qylmystyq kodeksiniń 106 «Densaýlyqqa zaqym keltirý» baby boıynsha qylmystyq is qozǵalyp, sotqa deıingi tergeý amaldary bastaldy.
Baqytbek Esentaevtyń isi boıynsha kezekti sot otyrysy 18-qazan kúni Taldyqorǵan qalasynda ótedi. Protsess jabyq rejımde ótip jatyr. Esentaevtardyń qyzy Aısáýle Baqytbek sotta ákesin jaqtamaqshy. Іsti alqabıler alqasy qaraıdy.
