Baıan Esentaeva men Nurtas Adambaı jaıly suraqtar test tapsyrmalarynan alynyp tastaldy
ASTANA. QazAqparat - Qoǵamda teris pikir týdyrǵan test tapsyrmalary nusqalarynda Baıan Esentaeva men Nurtas Atambaev esimderi kezdesedi.
Qazirgi ýaqytta atalǵan suraq synama (baıqaý) test tapsyrmalary bazasynan alynyp tastaldy, dep habarlaıdy QR Ǵylym jáne bilim mınıstrliginiń baspasóz qyzmeti.
Atap aıtqanda, 1 naýryz 2017 jyly «Egemen Qazaqstan» gazetinde jarııalanǵan «Budan keıin kıno túsiremin be, bilmeımin...» mátinine baılanysty QR BǴM túsindirmesinde: "Halyqaralyq tájirıbe boıynsha oqý saýattylyǵyn baǵalaýda ár túrli formattaǵy mátinder qoldanylady. Bul jalpylama jáne jalqy mátinder. Jalpylama mátinderge bir dúnıeni kórkem-ádebı tilde sýretteý jáne tehnıkalyq sıpattamasyn jasaý, belgili bir taqyryptardy talqylaý, baıandaý, ol týraly pikirin, kózqarasyn bildirý jatady. Jalqy mátinderge aqparattyq paraqshalar, habarlandyrýlar, shaqyrýlar, kesteler jáne grafıkalar, dıagrammalar, kartalar t.b. kiredi», delingen.
Bul jaǵdaıda belgili kınodramatýrg, rejısser Ermek Tursynovpen suhbat paıdalanylǵan.
Derekkóz https://www.dalanews.kz/17266 saıty bolyp tabylady. Dál osy suhbat Respýblıkalyq áleýmettik-saıası gazeti «Qala men dala» saıtynda 10.07.2016 jarııalanǵan.
Berilgen mátinde belgili tulǵanyń jeke ómiri týraly suraq joq. Rejıserdiń otandyq kıno salasyna qatysty jalpy kózqarasy jazylǵan.
Baıan Esentaeva men Nurtas Adambaıdyń esimderi suhbat mátininde kezdesetindikten, №14 tapsyrmada dıstraktor (burys jaýap) retinde qoldanyldy. Osyndaı dıstraktorlardy irikteý ádisi test tapsyrmalaryn shyǵarý barysynda (testologııa salasynda) qoldanady. Oqýshy aldynda tanysyp, test tapsyrmasyna jaýap berýge tıesili aqparat alý úshin suhbat mátini beriledi.
Oqý saýattylyǵynyń suraqtary kelesi daǵdylardy synaý úshin arnalǵan: sóz maǵynasyn túsiný, mátin qurylymyn túsiný, dálelder keltire bilý, jeke oıy men tájirıbesine súıene otyra oı qorytý.
Mátin joǵaryda aıtylǵan daǵdylardy qalyptastyrý, damytý úshin, qabiletterin tekserý úshin berilgen.
Atalǵan mátin baıqaý synaqtarynyń nusqalarynda usynylǵan.
Baıqaý synaqtarynyń nusqalarynda UBT tapsyrmalary «Egemen Qazaqstan» gazetinde jarııalanǵan. Osylaısha, ınternet jelisine qoly jetpeıtin, onlaın baıqaý synaǵynan ótýge múmkindigi joq alys túkpirdegi aımaqtardaǵy oqýshylarǵa jańa format boıynsha UBT-ǵa daıyndalý múmkindigi qarastyrylǵan. Atalǵan gazet arqyly oqýshylar UBT-da kezdesetin tapsyrmalar úlgilerimen tanysyp, emtıhanǵa daıyndala alady.
