Baıan Esentaeva kúıeýiniń isine qatysty sot tyńdaýyna kelgen joq
ALMATY. QazAqparat - Búgin Qaskeleń qalalyq okrýgindegi Almaty oblysy Qarasaı aýdandyq mamandandyrylǵan sotynda Baıan Esentaevanyń kúıeýi Baqytbek Esentaevtyń ústinen qozǵalǵan qylmystyq iske qatysty sot tyńdaýy ótip jatyr.
«Esentaevqa QR QK 120,121-baby, 1 tarmaqtary (zorlaý) boıynsha aıyp taǵylyp otyr. Sonymen qatar, jaýapker men japa shegýshiniń ómirlerindegi otbasylyq jeke máselelerge baılanysty sot otyrysyn jabyq ótkizý qajettiligi týdy», - dep túsindirdi sýdıa Berikjan Baıjúnisov.
Osyǵan baılanysty, Baqytbek Esentaevqa qatysty sot otyrysy jabyq ótip jatyr.
Sot bıliginiń ókili atalǵan isti alqa bıler qaraıtynyn da jetkizdi. Aıta keteıik, sot tyńdaýyna Baıan Esentaevanyń ózi kelgen joq.
Eske sala keteıik, 10 maýsym kúni Baıan Esentaevany onyń kúıeýi Baqytbek Esentaev pyshaqtap, soqqyǵa jyqqan.
