Baıan Esentaeva kúıeýine keshirim jasaý týraly suraqqa jaýap bere almady
«Men qazir sheshim qabyldaıtyn jaǵdaıda emespin. Meniń boıymdy qorqynysh bılep alǵanyn basynda aıttym. Senimen osylaı jaqyn adamyń istegen bolsa, tanymaıtyn adamdardan ne kútýge bolady?! Men óte qatty qorqamyn (...) Múmkin bir kezderi... Pyshaqty alyp, adamnyń ómirin qııýǵa eshkimniń de quqyǵy joq, tek Qudaıdyń bıligi. Adamnyń eń jaman qylyǵy - pyshaqty alyp, ózge adamdy óltirý shyǵar. Múmkin ekrannyń ar jaǵynda otyrǵan adamdar buǵan meni laıyq dep aıtatyn shyǵar, solaı-aq bolsyn», - dedi B.Esentaeva.
«Men bir sózdi oqyǵanym bar: «eger sen qandaı sheshim jasaýdy bilmeseń, zańmen iste». Men ózimniń tergeýde aıtqan jaýabymnyń barlyǵyn men ásirelegen emespin. Men osy eki saǵatta ne boldy, sony aıttym. Qazir men sottyń sheshim shyǵarǵanyn qalaımyn. Men taǵy aıtqym keledi, meniń ómirimdi eshkim súrmeıdi: ol da emes, meniń balalarym da emes, qoǵam da emes, eshkim. Bul meniń ómirim, Qudaı qalaı berdi, sondaı ómirim bar. Menińshe onyń taǵdyry istegen isi úshin zańmen sheshilýi tıis», - dep atap ótti ol.
Eske salsaq, 10 maýsymda B.Esentaeva mı jaraqaty, murny synyp, pyshaq jaraqattarymen Talǵar aýrýhanasyna jetkizilgen. Keıin anyqtalǵandaı, ony jubaıy Baqytbek Esentaev janjal barysynda jaraqattaǵany anyqtaldy. Ol Talǵar AІІB-ge jetkizildi, keıinnen ÝUI-ǵa qamaýǵa alyndy. Tutqyndaý merzimi 10 qyrkúıekke deıin uzartyldy.
