Baıan Esentaeva kúıeýimen bolǵan janjaldyń jaı-japsaryn aıtyp berdi

«Aldymen meni qoldap, meniń saýyǵyp ketýimdi tilegen qazaqstandyqtarǵa alǵys aıtqym keledi. Basymdy ıip, «Sizderge úlken rahmet» degim keledi. Men tek 5-6 táýlikte ǵana medıalyq tulǵa ekenimdi eske túsirdim, men jatqan klınıkanyń syrtynda ne bolyp jatqanyn sol kezde ǵana uqtym.

Sol 10 maýsymda bolǵan oqıǵa meni áli kúnge deıin ókshelep keledi. Men áli de bolsa, ózimniń densaýlyǵymdy retke keltire almadym. Men áli kúnge deıin depressııada júrmin dep aıta alamyn. Meni qorqynysh, fobııa bılep aldy, maǵan bes qadam jaqyn kelgen árbir er kisiden qorqamyn. Meniń boıymda qorqynysh paıda bolady, er kisige degen kózqarasym áli de bolsa qalypty emes. Men ómirge degen kózqarasym da ózgergen. Qudaı meni ishki qýatpen, belgili bir qasıettermen darytqandyqtan, men ózimdi jınaqtalý qajettigimdi, shynaıy ómirge qaıta oralýym qajet ekenimdi túsinemin. Men qazir suhbat bermes edim, sebebi soqqydan áli kelbetim ornyna kelmegenin jurt kórip otyr, meniń ishki jan-dúnıemde dúleı bolyp jatqandyǵyn sezip otyr. Biraq meniń ótinishime qaramastan, BAQ-ta túrli sybystar júrip jatyr, bolǵan jáne bolmaǵan nárseler taratylýda. Jalǵan aqparattar óte kóp, adamdar túrli jaıttardy rasqa balap jatyr, múmkin meni qoldaý úshin shyǵar, múmkin bireýler, kerisinshe, maǵan budan da aýyr tııýin qalaıtyn shyǵar. Sondyqtan men bul suhbatqa kelistim, meniń jeke ómirim teatrǵa aınalyp ketkenin aıtý úshin keldim. Bul oqıǵada ne bolǵanyn ózderi oılap tappaýdy suraımyn, barlyǵyn ózim aıtsam dep sheshtim», - dedi ol.

«Sonymen, 10 maýsymda, men úıge oraldym. Mende 5 maýsymda janjal oryn aldy, ol týraly keıin aıtarmyn. Men úıge 5 maýsymda oralýym kerek bolǵan. Maǵan taǵy 5 kúnge keshigýge týra keldi, sebebi burynǵy kúıeýim tarapynan qorqytý boldy. Men bes kúnge keshigip, «ol sabyrǵa kelsin» dep oıladym. Men bıletterdi qaıta bastyryp, sheteldik reıspen keldim. Ol bilip qoımaıtyn shyǵar dep oıladym. Men birden taksıge otyrdym. Baǵdarshamǵa toqtaǵan kezde, esik ashylyp, janyma ol otyryp aldy. Men ony osylaı keziktirem dep kútken joqpyn, qustaı ushyp kirdi. Men birden esikti ishten jaýyp aldym. Men onyń qolynda pyshaq bar ekenin kórdim. Eshteńe aıtpastan, ol maǵan pyshaqty tyǵyp aldy, onyń kózinen esh ókinish, janashyrlyq kórmedim. Men esimnen aıyrylǵan joqpyn. Qatty aýyrǵandyqty sezbedim. Múmkin men shokta bolǵan da shyǵarmyn. Men bir áldebir jamandyq bolyp jatqanyn túsindim. Men barlyq erik-jigerimdi jınap, aıqaıǵa basqan joqpyn, birdeńe isteý kerektigin sezindim, taksı júrgizýshisine kómek berýin suradym. Baısaldy, tynysh qana aıttym. Taksıde men soqqy aldym. Qatty aýyrdy,  kózim kórmeı qaldy. Sosyn ol taksı júrgizýshisine ses kórsetip, kólikti toqtatýdy buıyrdy. Men kólikten shyqtym, kózim qaraýytyp ketken, aıqaılap, kómek shaqyrý degen oı bolǵan joq, sebebi sen áldebir kúshtiń bıligindesiń. Ol meni taksı sońynan kele jatqan basqa kólikke otyrǵyzdy. Rýlde nemere inisi otyrdy. Sol kezde men bastan keshirgen sumdyq bastaldy. Men yzaǵa býlyqqan adam qalaısha osylaı qatigez bolatynyn túsinbedim. Men úndegen joqpyn, sebebi men aıqaı-shý bul jaǵdaıdy túzete almaıtyndyǵyn uqtym. Eki saǵatqa sozylǵan uryp-soǵý. .. Men ne bolǵanyn bilmeımin, qan barlyq jerimnen, qulaǵymnan, murnymnan ketip jatty, ol meniń ernimdi jyrtty, tisimdi qaǵyp, betimdi kesti, murnym syndy. Óte qatty aýyrdy. Men oǵan balalar týraly oılaýdy suradym, onyń esesine men tek soqqy alyp otyrdym. Úsh aı ótse de, meniń sol jaq betimde bulshyq etter semip qalǵan, kontýzııanyń ekinshi deńgeıi, sol jaq kózben nashar kóremin», - dedi Baıan Esentaeva.

Baıan Esentaeva turmystyq zombylyqtan zardap shekken áıelderdiń quqyǵyn qorǵaý uıymyn qurýdy josparlap otyrǵandyǵyn málim etti.

Eske salsaq, 10 maýsymda B.Esentaeva mı jaraqaty, muryn syný, pyshaq jaraqattarymen Talǵar aýrýhanasyna jetkizilgen. Keıin anyqtalǵandaı, ony jubaıy Baqytbek Esentaev janjal barysynda jaraqattaǵany anyqtaldy. Ol Talǵar AІІB-ge jetkizildi, keıinnen ÝUI-ǵa qamaýǵa alyndy. Tutqyndaý merzimi 10 qyrkúıekke deıin uzartyldy.