Baıan Esentaeva kúıeýimen ajyrasty
ASTANA. QazAqparat - Tanymal telejúrgizýshi jáne prodıýser Baıan Esentaeva qazaqstandyq jýrnalıst Dınara Sátjanǵa bergen suhbatynda 22 jyl otasqan kúıeýimen aıyrylysyp ketkenin habarlady.
Onyń aıtýynsha, sońǵy eki jyl onymen turý múmkin emes bolǵan. Sondyqtan ol aıyrylysý týraly oılaı bastady. Degenmen kúıeýi eger aıyrylysatyn bolsa, ony óltiretinin aıtyp qorqytqan.
«Men shaǵymdanýdy unatpaımyn. Men dostaryma aıtqan emespin (otbasyndaǵy janjaldar týraly), sebebi odan eshteńe ózgermeıdi. Dostaryma kelip aıttym delik, sodan ne ózgeredi? Men úshin eshteńe de ózgermeıdi. Ol jaqsy áke, jaqsy jar boldy, men súıdi. Bunyń basqa qyry bar. Men ony súıdim be. Men ony syıladym, ol qandaı bolsa, sondaı qabyldadym. Biraq men ony súıemin dep aıtqan emespin, baýyr bastym, ortaq balalarymyz boldy. Sezim bolmaı, osylaı kóp jyldar birge turǵanymyz, bolǵan oqıǵamyzǵa alyp keldi. Sońǵy eki jyl tipti men úshin múmkin emes boldy, tulǵa retinde, áıel retinde, onyń zaıyby retinde qatty qınaldym. Men odan aıyrylysý týraly suradym, biraq ol kelisimin bermedi. Meni óltiretindigin aıtyp qorqytty. Bul turmystyq zorlyq-zombylyq, sen qorqynysh pen úreıde turasyń. Men onyń qolynan ondaı keletinin bildim jáne qatelespeppin», - dedi ol.
Sonymen qatar ol áıelder quqyǵyn qorǵaıtyn uıym qurýǵa kúsh salatyndyǵyn málim etti.
Eske salsaq, 10 maýsymda B.Esentaeva mıy jaraqattanǵan, murny synyp, pyshaq jaraqattarymen Talǵar aýrýhanasyna jetkizilgen. Keıin anyqtalǵandaı, ony jubaıy Baqytbek Esentaev janjal barysynda jaraqattaǵany anyqtaldy. Ol Talǵar AІІB-ge jetkizildi, keıinnen ÝUI-ǵa qamaýǵa alyndy. Tutqyndaý merzimi 10 qyrkúıekke deıin uzartyldy.
