Baıan Esentaeva qazaqstandyq shoý-bıznes týraly bar shyndyqty ortaǵa salady
ASTANA. QazAqparat - «Damý» kásipkerlikti damytý qory» AQ janyndaǵy Qarjylyq klýbta 24 jeltoqsanda Baıan Esentaevamen shoý bızneske qatysty pikirsaıys kezdesýi ótedi. Bul týraly qordyń saıtynda habarlanǵan.
«Kezdesýge kásipkerler, prodıýserler, qyzmeti shoý bıznes, TV, kınomen baılanystylardyń bári, osy týraly bilgisi keletinder shaqyrylady. Kezdesýdi klýbtyń negizin qalaýshy, jýrnalıst Sofı Baesh júrgizedi», - delingen taratylǵan habarlamada.
Baıan Esentaeva - qazaqstandyq prodıýser, telejúrgizýshi, aktrısa, ánshi, «Ǵashyqtar álemi» jýrnalynyń redaktory ári teń ıesi. Ol Qazaqstannyń bedeldi áıelderiniń reıtıngisinde 30-orynǵa ıe boldy.
