Baıan Esentaeva «armandaǵan jigitine qol jetkizdi»
ASTANA. QazAqparat - Tanymal qazaqstandyq prodıýser Baıan Esentaeva Instagram oqyrmandaryn kezekti qyzyq fotosýretpen qýantty.
«Armandaǵan jigitimdi keziktirdim», - dep jazady B.Esentaeva Instagram jelisinde jarııalanǵan fotolardyń birinde.
Óz kezeginde óner ıesin súıip oqıtyn oqyrmandar bul qaljyńǵa qýanyp qaldy. Sebebi Baıan Maqsatqyzy kúıeýimen bolǵan oqıǵadan keıin alǵash ret kóńildi kórindi.
Eske salaıyq, B.Esentaeva qazirgi ýaqytta dostarymen birge Úndistanda emdelip jatyr.
«Dárigerden dáriger qoımaı qaralyp júrmin, búgingi meniń jaǵdaıym osy. Qazir Úndistan astanasyndamyz. Densaýlyǵyma áli de kútim kerek. Delıde tolyq tekserilýden ótem dep sheshtim. Nege? 3,5 jarym saǵat tikeleı reıspen ushyp keldim, barlyǵyn qosqanda check-up 550 $. Salystyrmaly túrde aıtqanda byltyr, Koreıada 5 ese artyq tólegenmin. Dárigerler - AQSh pen Brıtanııada bilim alyp, jumys istegen bilikti mamandar», dep jazdy ol óz paraqshasynda.
Eske salsaq, 10 maýsymda B.Esentaeva mı jaraqaty, muryn syný, pyshaq jaraqattarymen Talǵar aýrýhanasyna jetkizilgen. Keıin anyqtalǵandaı, ony jubaıy Baqytbek Esentaev janjal barysynda jaraqattaǵany anyqtaldy. Ol Talǵar AІІB-ge jetkizildi, keıinnen ÝUI-ǵa qamaýǵa alyndy. Tutqyndaý merzimi 10 qyrkúıekke deıin uzartyldy.
2016 jyly 14 qyrkúıekte Baqytbek Esentaevqa qatysty alǵashqy sot otyrysy ótti. Oǵan Baıan Esentaevanyń ózi kelmedi. Esesine onyń qyzy Aısáýle Baqytbek qatysty.
Tanymal telejúrgizýshi jáne prodıýser Baıan Esentaeva qazaqstandyq jýrnalıst Dınara Sátjanǵa bergen suhbatynda osy oqıǵadan keıin turmystyq zombylyqtan zardap shekken áıelderdiń quqyǵyn qorǵaý uıymyn qurýdy josparlap otyrǵandyǵyn málim etken bolatyn.
