Baıan Alagózova «Jyl tańdaýynda» úzdik prodıýser atandy
ALMATY. QazAqparat - «Jyl tańdaýy» syılyǵyn uıymdastyrýshylar jańa «Onjyldyqtaǵy úzdik prodıýser» nomınatsııasynyń jeńimpazyn anyqtady, dep habarlaıdy QazAqparat tilshisi.
«Onjyldyqtyń úzdik prodıýseri» nomınatsııasyn «Jyl tańdaýy» syılyǵynyń prodıýseri Jan Muqanov tabys etti. Ol óz sózinde atalmysh nomınatsııanyń jeńimpazyn tóreshiler birden tańdaǵanyn, elimizdegi kóptegen ártister onyń mektebinen ótkenin atap ótti. Osydan keıin Jan Muqanov marapatty Baıan Alagózovaǵa tapsyrdy.
«Jyl tańdaýy» ulttyq mýzykalyq syılyǵy osymen úshinshi márte ótkizilip otyr. Bıyl atalmysh syılyqqa qatysýǵa 470 ártis ótinim bergen. Olardyń ishindegi úzdikterdiń úzdigin tańdaýly tóreshiler, estrada ártisteri men onlaın daýys berý tártibimen qazaqstandyqtardyń ózderi tańdap aldy.
Syılyqty tabys etý rásimi «Almaty arenada» ótti. Tórt saǵatqa sozylǵan sharany belgili telejúrgizýshiler Asha Mataı, Láılá Sultanqyzy, Aıgúl Múkeı, Meıirjan Shernııazov, Táýekel Músilim júrgizdi.
Aıta keterligi, marapattardyń birin Raim & Artur dýetine QR Aqparat jáne kommýnıkatsııalar mınıstri Dáýren Abaev tabys etti.
