Baı jáne tanymal bolý úshin ne isteý kerek? - The Guardian
NUR-SULTAN. QazAqparat - Tańǵy as aldynda sýyq sýǵa túsý, erte jatyp, erte turý. The Guardian basylymynyń jazýynsha, búginde tanymal mıllıarderlerdiń barlyǵy osy tártipti ustanatynyn aıtyp júr. Basylymnyń jazýynsha, olardyń kún tártibi qarapaıym halyqtyń aqylyna syımaıdy.
«Jaqynda Týıtter basshysy Djek Dorsı tańerteń salqyn sýǵa túsetinin, jumysqa jaıaý baratynyn, kúnine eki saǵat medıtatsııa jasaıtynyn jáne kúnine tek bir ret tamaqtanatynyn aıtty. Keshki asqa tek et pen kókónister jeıtin ol tamaqtanýǵa bosqa ýaqyt ketirmeıtinin aıtyp ótti», - dep jazady basylym.
Avtordyń aıtýynsha, bul shynaıy ómirden alys kórinister. Shynaıy ómirde jaqyndaryńmen kelisý únemi ońaı emes, uıqy qysady, jalqaýlyq basady, balalardy sabaqqa aparý kerek, tizim osylaısha jalǵasa beredi.
«Qazir uıqy men ýaqyt eń qundy taýarǵa aınaldy. Al tehnıka salasyndaǵy tanymal tulǵalar, bas dırektorlar men kóptegen belgili adamdar qatań kún tártibimen maqtanyp júr. Olardyń aıtýynsha, baılyqtyń kilti - ónimdilikti arttyrý. Bulardyń qatań kún tártibi halyqtyń shynaıy kúndelikti ómirinen tym alys jáne olardy aldaý», - dep jazady avtor.
Avtordyń aıtýynsha, psıhologııalyq zertteýler jetistikke jáne baılyqqa jetý damnyń erik jigerine baılanysty ekenin kórsetken.
«Úlken jetistikke jetý úshin kúnde kishkentaı jetistikterge jetý kerek. Bul kúndelikti eńbekti qajet etedi. Sol sebepti mıllıarderlerdiń kún tártibin qaıtalaýǵa tyryspaı, erik-jigerińdi jetildire bilý mańyzdy», dep jazady avtor.
