Abaı oblysynda jol erejesin óreskel buzǵan toı korteji jaýapqa tartyldy

Aqsýat aýylynyń Qabanbaı kóshesinde toı kortejine qatysqan birneshe júrgizýshi jol qozǵalysy erejelerin óreskel buzyp, qaýipti manevrler jasaǵan. Olardyń áreketi joldaǵy basqa qatysýshylardyń qaýipsizdigine qaýip tóndirgen.

Polıtsııa qyzmetkerleri oqıǵaǵa qatysqan barlyq júrgizýshini anyqtady.

Tekserý barysynda Hyundai Tucson, Hyundai Santa Fe, Chevrolet, Toyota jáne Lada Priora kólikterin basqarǵan bes azamat jaýapkershilikke tartyldy.

— Quqyq buzýshylarǵa qatysty manevr jasaý tártibin buzý, qaýipsizdik beldigin taqpaý, jol-kólik oqıǵasyna sebep bolýy múmkin jaǵdaı týǵyzý jáne kólik quraldaryn paıdalaný talaptaryn saqtamaý boıynsha barlyǵy 19 hattama rásimdeldi, — delingen polıtsııa habarlamasynda.

Sondaı-aq, olardyń kólikteri arnaıy aıypturaqqa qoıyldy. 

Aıta ketelik Almatyda túlekter avtokorteji toqtalyp, 21 ata-ana jaýapqa tartylǵan edi.