Bavarııadaǵy jarylystan zardap shekkender men qaza tapqandar arasynda qazaqstandyqtar joq - QR SІM
ASTANA. QazAqparat - Bavarııada bolǵan jarylys saldarynan zardap shekkender men qaza tapqandar arasynda qazaqstandyqtar joq.
«Jergilikti bıliktiń málimetinshe, zardap shekkender men qaza tapqandar arasynda qazaqstandyqtar joq», - dedi QR Syrtqy ister mınıstrligi baspasóz qyzmetiniń jetekshisi Ánýar Jaınaqov.
Eske sala keteıik, Germanııanyń Ansbah qalasynyń ortalyǵyndaǵy (Bavarııa jerinde ornalasqan) meıramhanada jarylys boldy.
Ansbah qalasyndaǵy jarylys saldarynan japa shekkenderdiń sany 12-ge jetti, olardyń úsheýi aýyr jaraqat aldy.
Bavarııada ózin jarǵan adam sırııalyq bosqyn bolyp shyqty. Ol Sırııadan Germanııaǵa bir jyl buryn kelgen.
