Bavarııada paranjy men nıqabqa zań júzinde tyıym salynbaq
ASTANA. QazAqparat - Bavarııada betti tolyǵymen tumshalaıtyn musylman kıimi - paranjy men nıqabqa tyıym salýdy kózdeıtin zań jobasy usynyldy.
Tyıym mektepter men ýnıversıtterde iske asyrylatyn bolady. Sondaı-aq atalmysh kıimmen jumysqa kelýge jáne kólik júrgizýge tyıym salynbaq.
Іshki ister mınıstri Ioahım Germannnyń aıtýynsha, bet-álpetti jasyrý dástúri Germanııadaǵy adammen qarym-qatynas mádenıetine qaıshy keledi. Mınıstrdiń atap ótýinshe, qarym-qatynas demokratııalyq qoǵam sharttarynyń biri bolyp tabylady.
Tyıymǵa qarsy shyǵýshylar munyń praktıkalyq máni az ekenin aıtýda, sebebi Bavarııada musylmandar kóp emes. Tyıymǵa qarsy adamdardyń pikirinshe, bul shara popýlıstik bolyp tabylady jáne osy jylǵy qyrkúıekke josparlanǵan federaldyq parlament saılaýynyń jaqyndaýymen qabyldanyp otyr.
Jergilikti parlamentte depýtattyq oryndardyń basym bóligi Hrıstıandyq-áleýmettik odaqqa tıesili. Pikir bildirýshiler atap ótkendeı, zań jobasy jazǵy kanıkýl bastalǵanǵa deıin qabyldanýy múmkin.
