Bavarııada ózin jarǵan adam sırııalyq bosqyn bolyp shyqty
ASTANA. QazAqparat - Polıtsııa bavarııalyq Ansbah qalasyndaǵy meıramhananyń kire berisinde ózin jarǵan adamnyń kim ekenin anyqtady. Ol Sırııadan kelgen bosqyn bolyp shyqty, dep habarlady RBK.
NordBayern basylymy habarlaǵandaı, baspasóz máslıhatynda Ansbah prokýrory Mıhael Shretberger sharap barynda ózin ózi jarǵan adam 2 jyl buryn Germanııaǵa barǵan Sırııa azamaty ekenin habarlady. Bir jyl buryn oǵan germanııalyq azamattyqty alýǵa bergen ótinishi qabaldanbaǵan, alaıda azamattyq soǵys aıaqtalǵanǵa deıin Ansbahta qalýǵa ruqsat berilgen.
Bavarııa ІІM basshysy Ioahım Herrmann sırııalyq Germanııa aýmaǵynda eki ret óz-ózine qol salmaq bolǵanyn málimdedi. Alaıda bul joly ózge adamdy óltirmek oıy bolǵany beımálim.
Sırııalyqtyń radıkaldy toptarmen baılanysy bar ne joǵy belgisiz.
Jarylys saldarynan sırııalyq ajal qushty, 12 adam jaraqattandy, úsheýiniń jaǵdaıy aýyr.
Jarylys bolǵan ǵımarat mýzykalyq festıval uıymdastyrylǵan jerge jaqyn ornalasqan. Bolǵan oqıǵaǵa baılanysty kontsert úzildi.
