Bavarııada ımmıgrant 3 adamdy pyshaqtap, 6-yn jaraqattady
VıÝRTsBÝRG. QazAqparat – Bavarııanyń Vıýrtsbýrg qalasynda bir kún buryn úsh adamdy pyshaqtap óltirip, taǵy alty adamdy jaraqattaǵan Somalı ımmıgrantyna senbi kúni resmı aıyp taǵyldy, dep habarlaıdy QazAqparat BBC-ge silteme jasap.
Polıtsııa málimetinshe, barlyq qaza tapqandar men jaralanǵandar – áıelder. Qylmyskerdiń psıhıkalyq aýytqýy bar jáne ol ıslamnyń ekstremıstik baǵytyn ustanady.
Senbide 24 jastaǵy kúdiktige qatysty sot otyrysy ótip, oǵan úsh adamdy óltirý jáne alty adamǵa aýyr dene jaraqatyn salý aıyby taǵyldy.
Bir kún buryn ımmıgrant ámbebap dúkennen asúı pyshaǵyn urlap, dúkenshini jáne sol jerdegi taǵy eki áıeldi óltirgen bolatyn. Sodan keıin kóshede jáne jaqyn mańdaǵy bankte bes áıel men bir balany jaraqattady.
Polıtsııa ony tapanshadan oq atyp toqtatqan.
Polıtseılerdiń aıtýynsha, ustalǵan adam jaqynda psıhıatrııalyq emdeýden ótken qatygez jáne júıke-júıesinde aýytqýy bar.
Mıýnhen men Frankfýrttyń arasynda ornalasqan 130 myń halqy bar Vıýrtsbýrgke Bavarııa qaýipsizdik qyzmetiniń basshysy Ioahım Herrman keldi. Ol jýrnalısterge jaralanǵandardyń beseýiniń jaǵdaıy aýyr ekenin jáne «olardyń aman qalýy ekitalaı» ekenin aıtty.
Polıtsııa habarlaǵandaı, shabýyldaýshy buryn sottalǵan, alaıda onyń burynǵy qylmystarynyń eshqaısysy terrorızmmen baılanysty bolmaǵan.
