Bavarııada eki poıyz betpe-bet soqtyǵysyp, 100-deı adam zardap shekti
ASTANA. QazAqparat - Germanııanyń ońtústigindegi Bavarııa qalasynda eki poıyz betpe-bet soqtyǵysyp qaldy. Polıtsııanyń aldyn ala málimetterinshe, apat saldarynan kem degende tórt adam qaza taýyp, júzge jýyq jolaýshy jaraqat alǵan. Zardap shekken 15 adam aýyr halde jatyr, 40 adam aýyr jaraqat aldy, dep habarlaıdy Bı-bı-sı.
Poıyzdardyń soqtyǵysýy Mıýnhennen ońtústik-shyǵysqa qaraı 60 shaqyrym jerdegi Bad-Aıblıng shıpajaılyq qalashyǵynyń qasynda oryn alǵan.
Apat saldarynan poıyzdardyń biri relsten shyǵyp ketip, onyń birneshe vagony aýdarylyp qalǵan.
Polıtsııanyń esepteýinshe, poıyzdar betpe-bet soǵysqan. Apat ornyna qutqarýshylar tikushaǵy kelip jetti.
Poıyzdardyń soqtyǵysý sebebi ázirge belgisiz. Polıtsııa ókilderiniń aıtýynsha, bul Bavarııada sońǵy jyldar ishinde oryn alyp otyrǵan iri apat.
Apatqa baılanysty, jaqyn ornalasqan joldardaǵy qozǵalys toqtady.
