Bavarııa turǵyny 3 kórshisin atyp óltirip, taǵy ekeýin jaraqattady

ASTANA. QazAqparat – Bavarııanyń Aýgsbýrg qalasynyń mańynda er adam úsh adamdy atyp óltirip, taǵy ekeýin jaraqattady, dep habarlaıdy QazAqparat DW agenttigine silteme jasap.

Polıtsııa málimetinshe, kúdikti sol úıde turyp jatqan. Tergeýdiń aldyn ala boljamynsha, kórshilerimen arada kelispeýshilik týyndaǵan. Ol 28 shilde kúni keshke qarýdan 49 jáne 72 jastaǵy eki áıeldi jáne 52 jastaǵy er adamdy atyp óltirgen.

Keıin basqa kóshedegi úıge baryp, onda áıel men er adamǵa oq atqan. Olar aýrýhanaǵa jetkizildi.

Polıtseıler 64 jastaǵy er adamdy qamaýǵa aldy. Kúdikti ustaý barysynda qarsylyq kórsetpegen. Onyń qylmysqa barý sebebi anyqtalyp jatyr.