«Bavarııa» shabýylshysy «Altyn dop-2026» júldesin jeńip aldy
ASTANA. KAZINFORM — Anglııa quramasy men Germanııanyń «Bavarııa» klýbynyń shabýylshysy Garrı Keın France Football frantsýz jýrnalynyń nusqasy boıynsha 2025/2026 jylǵy maýsymnyń úzdik fýtbolshysy atanyp, «Altyn dop» júldesin jeńip aldy, dep habarlaıdy Report.
Marapatty tabystaýdyń 70-shi mereıtoılyq rásimi Londondaǵy «Palladıým» teatrynda ótti.
Garrı Keın 2001 jyly Maıkl Oýennen keıin «Altyn dop» alǵan alǵashqy aǵylshyn fýtbolshysy atandy. Ol — bul marapatqa ıe bolǵan Anglııanyń besinshi ókili. OptaJoe basylymynyń málimetinshe, buǵan deıin júldeni Stenlı Mettıýz, Bobbı Charlton, Kevın Kıgan jáne Maıkl Oýen ıelengen.
2025-26 jylǵy maýsymda Keın «Bavarııa» sapynda Germanııa Sýperkýbogyn, Germanııa kýbogyn jáne Býndeslıga chempıonatyn jeńip aldy. Al Anglııa quramasymen 2026 jylǵy álem chempıonatynyń qola júldegeri atandy.
2025 jylǵy tamyzdan 2026 jylǵy shildege deıingi aralyqta Keın «Bavarııa» men Anglııa quramasy sapynda 65 match ótkizip, 73 gol soqqan.
«Altyn dop» júldesine úmitkerler qatarynda Lamın ıAmal men Kılıan Mbappe de boldy. ıAmal úshinshi jyl qatarynan úzdik jas oıynshyǵa beriletin marapatty ıelendi.
Buǵan deıin Lıonel Messı «Altyn dop» marapattaý rásimine qatyspaıtyny týraly habarlanǵan bolatyn.
