«Bavarııa» prezıdenti Henesske 3,5 jylǵa bas bostandyǵynan aıyrý úkimi shyǵaryldy
ASTANA. QazAqparat - Sot mıýnhendik «Bavarııa» fýtbol klýbynyń prezıdenti Ýlı Henesske 40 mln. dollarǵa jýyq kólemde salyq tólemegeni úshin 3,5 jylǵa bas bostandyǵynan aıyrý úkimin shyǵardy.
Búginde 62 jasqa tolǵan Germanııa quramasy sapyndaǵy burynǵy álem chempıony 37 mln. dollar somasyndaǵy qarjyny salyq organdaryna tólemegenin jáne Shveıtsarııada banktik shoty jaıynda jasyrǵandyǵyn moıyndady.
Ótken jyly Heness bılikke túzetilgen deklaratsııany usynyp, sol arqyly sottyń qýdalaýynan qutylýǵa dámelengen edi. Osy salyqtyq daý-damaıǵa qaramastan, Ýlı Heness «Bavarııada» asa tanymal tulǵa. Sebebi ol klýbtyń tabysy soǵan baılanysty bolyp otyr. Atap aıtqanda, klýb aktsıonerleriniń ótken jylǵy jınalysynda Heness otstavkaǵa ketýi týraly usynys jasaǵan edi, alaıda buǵan jankúıerler men «Bavarııanyń» dırektorlar keńesi qarsylyq bildirdi.
