Bavarııa men Saksonııa jappaı sý tasqynyna daıyndalyp jatyr
ASTANA. KAZINFORM – Polsha, Slovakııa jáne Chehııada tolassyz jaýǵan jańbyr jaqyn arada ózender arnasynan asyp ketedi degen úreı týǵyzýda. Bul keıbir nemis memleketterine, atap aıtqanda, Bavarııa men Saksonııaǵa da qaýip tóndirýi múmkin. Bul týraly BILD basylymy jazdy.
Saksonııadaǵy Elba ózeninde sý deńgeıiniń kúrt kóterilýi kútilýde. Boljam boıynsha, jaǵdaı osy aptanyń ortasyna deıin ýshyǵady. Sý tasqyny Bavarııaǵa áser etip úlgerdi, ásirese Rozenhaım qalasynyń ońtústigindegi shaǵyn Oberkaltbrýn aýyly zardap shekken. Munda nebári 60-qa jýyq adam turady.
Venanyń soltústigindegi Avstrııada jaǵdaı qıyndaı tústi. Dýnaıdyń bir salasy Kamp ózeninde jappaı sý tasqyny boldy. Bılik qazirgideı aýqymdy sý tasqyny jaǵdaılary orta eseppen júz jylda bir ret bolatynyn aıtýda. Venada saqtyq sharasy retinde eki metro jelisindegi jumys jartylaı toqtatyldy.
Chehııada sý tasqyny kezinde birneshe adam iz-túzsiz joǵalyp ketti. Polshamen shekaralas Opava qalasynda bılik myńdaǵan adamdy evakýatsııalaýǵa májbúr boldy. Chehııanyń Bogýmın qalasynda qalalyq aýrýhana evakýatsııalandy.
Ortalyq Eýropada da tolassyz jaýǵan sý tasqyny oryn aldy. Bul aımaqtaǵy elder eń nashar jaǵdaıǵa daıyndalýda. Rýmynııada sý tasqynynan qurban bolǵandar bar.
Qatty sý tasqynyna baılanysty Polshada da tótenshe jaǵdaı jarııalandy. Bıala-Glýholaska ózeni arnasynan asyp, Glýholaska qalasy sýǵa batyp jatyr. Polıak armııasynyń tórt myń jaýyngeri jaýyngerlik ázirlikte.
