Baýyrjannan qalǵan batyr rýh: «Shyǵys» əskerıleri erekshe chellendj bastady

ASTANA. QazAqparat - Qazaqstan Respýblıkasy Ulttyq ulany «Shyǵys» óńirlik qolbasshylyǵynyń áskerıleri Halyq qaharmany Baýyrjan Momyshulynyń nasıhat sózderin jatqa aıtýdan «Baýyrjannan qalǵan batyr rýh» atty chellendj jarııalady, dep habarlaıdy QazAqparat tilshisi.

«Jalpy, batyr babalardyń erlikteri men  olardyń ósıetteri tek 9 mamyr jaqyndaǵanda  ǵana eske túsedi. Bizdiń oıymyzsha, babalar ósıetin nasıhattaý  ýaqyt pen belgili bir maýsymdy talǵamaýy qajet», - deıdi «Shyǵys» óńirlik qolbasshylyǵynyń baspasóz qyzmetiniń bastyǵy Baǵdat Amangeldi.

Úsh mınýttyq vıdeojoldaýda «Shyǵys» óńirlik qolbasshylyǵynyń áskerı qyzmetkerleri qyzmet babynda júrip, Baýyrjan Momyshulynyń aıshyqty sózderin jatqa aıtady. «Shyǵys» óńirlik qolbasshylyǵy chellendjdi ózge óńirlerdiń áskerıleri de ilip áketer degen senim bildirip otyr.